មជ្ឈមណ្ឌលធនធានសោតទស្សន៍បុប្ផាណា
ផ្នែកបណ្ណសារ គឺជាសសរគោល និងជាមូលហេតុនៃការបង្កើតមជ្ឈមណ្ឌល។ ការងាររបស់យើង គឺរៀបចំបេតិកភណ្ឌភាពយន្ត និងសោតទស្សន៍នៃប្រទេសកម្ពុជា តាមរយៈការប្រមូល និងថែរក្សា។ បណ្ណសារភាពយន្ត រូបថត ខ្សែអាត់សំឡេងទាំងនោះ ប្រមូលបានមកពីប្រទេសកម្ពុជា និងបរទេស។
បណ្ណសារផ្នែកផលិតរបស់យើង គឺជាសសរគោលទីពីរនៃមជ្ឈមណ្ឌលបុប្ផាណា។ តាមរយៈការរួមគ្នាធ្វើការយ៉ាងជិតស្និទ្ធនៃផ្នែកផលិត និងផ្នែកបណ្ណសារ មជ្ឈមណ្ឌលបុប្ផាណាបានក្លាយទៅជាទីកន្លែងតែមួយគត់នៃការប្រមូលផ្ដុំការអភិវឌ្ឍ បេតិកភណ្ឌ និងការច្នៃប្រតិដ្ឋ ការផលិតភាពយន្ត និងប្រព័ន្ធផ្សព្វផ្សាយ។
ផលិតកម្មរាល់សមិទ្ធផលនៃផលិតកម្មរបស់យើង (ដូចជា សៀវភៅ ស៊ីឌី និងឌីវីឌី...) ក៏ដូចជាផលិតផលរបស់ដៃគូយើងផងដែរ មានលក់នៅក្នុងប៊ូទីករបស់មជ្ឈមណ្ឌលបុប្ផាណា។
ចាប់តាំងពីបើកសម្ពោធមជ្ឈមណ្ឌលបុប្ផាណាមក យើងបានអភិវឌ្ឍសេវាកម្មកាន់តែច្រើនជាងមុន សម្រាប់សាធារណជនគោល ដែលពួកគេអាចមកទស្សនាតែម្នាក់ឯង ឬជាក្រុម ក្នុងនាមអង្គការសង្គមស៊ីវិល សហគ្រាស ឬ ស្ថាប័ននានាជាដើម។